ਯੂਨਾਈਟਿਡ ਇੰਡੀਆ ਇੰਸ਼ੋਰੈਂਸ ਕੰਪਨੀ ਲਿਮਟਿਡ ਨੇ ਵੰਡੇ ਆਮ ਲੋਕਾਂ ਨੂੰ 400 ਪੌਦੇ
· ਸ਼ਹਿਰ ਵਾਸੀਆਂ ਨੂੰ ਵੱਧ ਤੋਂ ਵੱਧ ਰੁੱਖ ਲਗਾਉਣ ਦੀ ਕੀਤੀ ਅਪੀਲ
ਬਠਿੰਡਾ, 8 ਅਕਤੂਬਰ : ਯੂਨਾਈਟਿਡ ਇੰਡੀਆ ਇੰਸ਼ੋਰੈਂਸ ਕੰਪਨੀ ਲਿਮਟਿਡ ਬਠਿੰਡਾ (ਭਾਰਤ ਸਰਕਾਰ ਦਾ ਇੱਕ ਉਪਕਰਨ) ਨੇ ਸਥਾਨਕ ਜੌਗਰ ਪਾਰਕ-ਰੋਜ਼ ਗਾਰਡਨ ਨੇੜੇ ਇੱਕ ਬਹੁਤ ਵਧੀਆ ਵਾਤਾਵਰਣ-ਅਨੁਕੂਲ ਪਹਿਲਕਦਮੀ ਕੀਤੀ। ਇਸ ਸੰਸਥਾ ਨੇ ਮੁਫਤ ਪੌਦੇ ਵੰਡਣ ਦਾ ਸਟਾਲ ਲਗਾਇਆ ਜਿਸ ਦਾ ਸੰਚਾਲਨ ਉਨ੍ਹਾਂ ਦੇ ਖੇਤਰੀ ਪ੍ਰਬੰਧਕ ਸ਼੍ਰੀ ਐਚ.ਐਸ. ਚਾਹਲ, ਅਤੇ ਸ੍ਰੀ ਰਮੇਸ਼ ਗੋਇਲ ਸੀਨੀਅਰ ਡਿਵੀਜ਼ਨਲ ਮੈਨੇਜਰ ਅਤੇ ਟੀਮ ਨੇ ਕੀਤਾ।
ਇਸ ਮੌਕੇ ਸੰਸਥਾ ਨੇ ਆਮ ਲੋਕਾਂ ਨੂੰ 400 ਪੌਦੇ ਵੰਡੇ ਤਾਂ ਜੋ ਲੋਕਾਂ ਨੂੰ ਵੱਧ ਤੋਂ ਵੱਧ ਪੌਦਿਆਂ ਅਤੇ ਰੁੱਖਾਂ ਦੀ ਲੋੜ ਪ੍ਰਤੀ ਜਾਗਰੂਕ ਕੀਤਾ ਜਾ ਸਕੇ। ਇਸ ਦੌਰਾਨ ਸੰਸਥਾ ਦੇ ਨੁਮਾਇੰਦਿਆਂ ਨੇ ਜ਼ਿਲ੍ਹੇ ਦੇ ਆਮ ਲੋਕਾਂ ਨੂੰ ਵੱਧ ਤੋਂ ਵੱਧ ਰੁੱਖ ਲਗਾਉਣ ਦੀ ਅਪੀਲ ਵੀ ਕੀਤੀ। ਉਨ੍ਹਾਂ ਕਿਹਾ ਕਿ ਇਕੱਲਾ ਰੁੱਖ ਲਗਾਉਣਾ ਹੀ ਨਹੀਂ ਸਗੋਂ ਇਨ੍ਹਾਂ ਦੀ ਸਾਂਭ-ਸੰਭਾਲ ਕਰਨਾ ਸਾਡੀ ਸਾਰਿਆਂ ਦੀ ਨਿੱਜੀ ਜਿੰਮੇਵਾਰੀ ਹੈ।
ਇਸ ਮੌਕੇ ਟੀਮ ਦੇ ਮੈਂਬਰ ਸ਼੍ਰੀ ਪ੍ਰੀਤਮ ਢੀਂਗਰਾ, ਸ਼੍ਰੀ ਐਚ.ਕੇ. ਕਪੂਰ, ਸ਼੍ਰੀ ਅਜੈ ਗੋਇਲ, ਸ਼੍ਰੀ ਸੁਰਜੀਤ ਸਿੰਘ, ਸੁਨੀਲ ਕੁਮਾਰ, ਉਪੇਸ਼, ਮਨਪ੍ਰੀਤ ਅਤੇ ਗੁਰਪ੍ਰੇਮ ਆਦਿ ਹਾਜ਼ਰ ਸਨ।
